ایک اور کم عمر ڈرائیور کی کار کو ٹکر، منع کرنے پر فائرنگ کروا دی
لاہور میں ایک اور کم عمر ڈرائیور نے کار کو ٹکر مار دی، منع کرنے پر فائرنگ کروا دی جس سے زخمی ہونے والی میڈیکل کی طالبہ ہسپتال میں دم توڑ گئی، پولیس نے مقدمہ درج کر لیا۔
نجی ٹی وی جیونیوز کے مطابق لاہور کے علاقے چوہنگ میں ایک اور کم عمر ڈرائیور کے بااثر خاندان کا گھناونا چہرہ سامنے آیا جس میں انہوں نے کار حادثے کے بعد فائرنگ کر کے نہ صرف میڈیکل کی طالبہ کو قتل کر دیا بلکہ اس کے خاندان کو ڈرا دھمکا کر زبردستی کی صلح پر مجبور کیا جا رہا ہے۔
بتایا گیا ہے کہ چوہنگ کے علاقے میں میڈیکل کالج کی طالبہ کی ہلاکت کا مقدمہ درج کیا گیا ہے جس کے مطابق کم عمر ڈرائیور نے زگ زیگ گاڑی چلاتے ہوئے دوسری گاڑی کو ٹکر مار دی جس میں سوار افراد نے کم عمر ڈرائیور کو منع کیا جس پر اسے طیش آ گیا اور اس نے ماموں سمیت دیگر افراد کو بلا لیا۔
کم عمر ڈرائیور کے ماموں نے آ کر دوسری کار پر فائرنگ کر دی جس کے سبب اس میں سوار میڈیکل کالج کی طالبہ شدید زخمی ہو گئی، اسے ہسپتال منتقل کیا گیا جس نے دوران علاج دم توڑ دیا۔
ایف آئی آر کے مطابق مقتول طالبہ کا خاندان سعودی عرب سے لاہور منتقل ہوا تھا، انہوں نے تحفظ فراہم کرنے کیلئے نگران وزیراعلیٰ پنجاب محسن نقوی کو خط لکھ دیا۔
کوئی تبصرے نہیں:
ایک تبصرہ شائع کریں